Ebook: Sumaq kawsay. Kuskalla yachasunchik 6 (Personal Social-Ciencia y Tecnología 6 Cuaderno de Trabajo)

Ancha munasqa warmi qhari irqicha warmacha:
Qampaqmi kay llamk’ana mayt’uqa. Kaywanmi pukllaq
tumpalla yachaywasiykipi yachayniykikunata qispichinki.
Yachayniykikuna kallpachanaykipaq, chaywan allin runa
kanaykipaqmi, ancha munakuywan kallpachakuspa
yachachiqniykikuna, kay llamk’ana mayt’uta
qispirqachimuyku.
Sapallaykipas, mana chayqa yachakuq
masiykikunawan, yanapanakuspa llamk’anaykipaq
imaymana ruraykunam kachkan. Llamk’ana mayt’upi
ruraykunaqa llaqtaykip kawsakuyninta, imayna
kasqantam riqsichisunki, hinallataqmi allin kikin simiykipi
rimanaykipaq qillqanaykipaq yanapasunki.
Aylluykikuna allin qhawanaykipaqpas Pachamamata
sumaqta amachanaykipaqpas allinmi kanqa.
Chayhinallataqmi runa masiykikunawan wasi
masiykikunawan, yachakuq masiykikunawan, llaqta
masiykikunawan sumaqlla kawsakunaykipaqpas
yanapasunki. Kay llamk’ana mayt’uwanqa pukllankim,
takinkim, llimp’inkim, siq’inkim, hamut’ankim,
tupachinkim; kaqllataqmi imaymana atiyniykikuna sapa
yachaykunapi wiñanqa.
Kay qillqasqa mayt’utaqa munaykunkipunim. Sumaq
kallpachasqa yachaykunatam qhawaykunki. Chaymi
sumaq sunquwan qhawaykunayki, sumaqta yachayniyki
llanllarinanpaq.
Kusisqalla munakuywan llamk’aykuy