Ebook: Chapo ba pou Marechal Mimi ak ti Jan

« “Chapo ba pou Marechal Mimi ak ti Jan” se premye woman François Nau ekri. Se temwanyaj rekonnesans li genyen pou manman li. Men tou, yon espwa pou tout manman, papa ak pitit ki kwè nan ledikasyon pou yo pa janm dekouraje menm nan moman ki pi difisil yo. Nan “Chapo ba pou Marechal Mimi ak ti Jan”, Nau rakonte tout traka manman l kontre pou te fè levasyon l ansanm ak tout ti frè ak sè l yo.Soti lwen, mennen pre; yo rive jwenn plas yo nan lasosyete. Tankou pwovèb kreyòl la di: “Lè w wè l fè pi nwa, konnen se lè sa li pral fè jou.” »