Ebook: Teke

Nan lang kreyòl la, liv pwezi fè mikalaw. Pou pyès teyat, déjà gen on bann ak yon pil. Woman koumanse parèt tèt li. Sa ki manke, se sa yo rele esè a (essai, essay, ensayo, ensaio... nan lòt lang).

Teke se yon esè. Sètadi, se yon jan, yon manyè pou apresye youn ou plizyè èv, yon manyè pou chache kouman nou ka panse reyalite nou ak lide nou. Nan Teke, otè ap fè sa an kreyòl. Li brase divès koze, li pote limyè sou kesyon lang, sou listwa, sou imajinè.

Nou envite tout moun teke.