Ebook: Historio de la ciferoj

Nia scienco estas evoluinta ĉefe pro tio, ke ni havas altan nivelon en matematiko. Ni havas altan matematikan nivelon pro tio, ke ni havas perfektan sistemon de numerado. Kaj ni havas perfektan numeradan sistemon pro tio, ke:

1) nia numerada sistemo estas pozicia: diu cifero havas valoron, kiu dependas de ĝia loko en la nombro: tio ebligas nombradon ĝis nefinito per nur dek signoj;

2) eĉ pozicia, nia sistemo ne estus perfekta, se ne ekzistus speciala signo por montri, ke iu rango ne ekzistas; tiu signo ekzistas: la cifero 0.

Tiu ĉi duobla inventaĵo estis farita trifoje en la historio de la homaro:
a) en Babilonio, en la komenco de la dua jarmilo antaŭ nia erao;

b) de la Majaoj, ĉirkaŭ la 4a jarcento;

c) en Hindio, en la sama epoko: kaj la hinda eltrovaĵo disvastigis en Eŭropon pere de la Araboj.

Pro tio, la "hindaj ciferoj" estas kutime nomataj "arabaj ciferoj".