Ebook: தமிழ் இசையியல் புதிய கண்டுபிடிப்புகள்

தமிழிசை மீட்பு முயற்சியில் சரியாக அடையாளம் கண்டு வளர்த்தெடுக்கப்படாதத் துறையாகத் தமிழிசையியல் உள்ளது. இசை இயற்பியல் (Physics of Music) அடிப்படையில் நான் பழந்தமிழ் இலக்கியங்களில் ஆய்வினை மேற்கொண்டபோது இந்த உண்மை வெளிப்பட்டது. இந்த ஆய்வின் கண்டுபிடிப்புகள் உலகில் உள்ள அனைத்து மொழிகளிலும் உள்ள இசையை வளர்க்கத் துணை புரிபவை ஆகும்.

இசை ஒலி, ஓசை ஆகிய மூன்று சொற்களுக்கு இடையிலான வேறுபாடுகளைக் கணக்கில் கொண்டு யாப்பிலக்கண விதிகள் தொடர்பான உரைகளை மறு ஆய்வு செய்து யாப்பிலக்கணம் பயிற்றுவித்தலை வளர்க்க இந்நூல் துணைபுரியும்.
தமிழ், தமிழிசை ஆர்வலர்கள் மட்டுமன்றி, அறிவியல், தொழில்நுட்பம் உள்ளிட்ட துறைகளைச் சார்ந்தோர் பழந்தமிழ் இலக்கியங்களைப் படிக்கத் தூண்டும் வகையிலான கட்டுரைகள் இந்நூலில் இடம் பெற்றுள்ளன.

செ.அ. வீரபாண்டியன்
முதல்வர்,
சுதர்சன் கலை அறிவியல் கல்லூரி பெருமாநாடு, புதுக்கோட்டை