Ebook: Die Kaapsupergroep in 'n diep boorgaat wes van Graaff-Reinet (Капская надсерия в глубокой скважине к западу от г. Храфф-Рейнет)

Статья опубликована в Transactions of the Geological Society of South Africa, 1972, 75, pp. 113—119.
На языке африкаанс. Описывается литология морских песчаников капской надсерии (ордовик—девон)'n Sandsteenopeenvolging, sowat 194 m dik, kom tussen die granietgneis van die Vloerkompleks
en die oerliggende Dwykatilliet voor. Sowat 80 persent van die lae bestaan uit goed gesorteerde,
middelkorrelrige ortosandsteen en ortokwartsiet met enkele verspreide rolsteentjies. Ondergeskikte
protosandsteen en protokwartsiet, wat van fyn- tot grofkorrelrig varieer, en dun skalielagies kom voor. Korrelgrootte-analises van twee monsters toon dat die verspreiding hoofsaaklik uit twee sprongbewegingpopulasies, met 'n klein ondergeskikte traksiepopulasie, bestaan en wat moontlik op afsetting op 'n strand dui, terwyl 'n verdere korrelgrootteverspreiding afsetting in 'n vlak marine-omgewing aantoon. Die deursigtige swaarminerale bestaan hoofsaaklik uit die stabiele spesies (sirkoon, toermalyn, rutiel) met klein hoeveelhede apatiet, granaat en pirokseen. 'n Skerp wisseling in die swaarmineraalsamestelling, sowat twee derdes op in die opeenvolging, kom voor en dit val met die verskyning van chertkorrels in die gesteente saam. Sedimentêre strukture is swak ontwikkel en bestaan grootliks uit gelaagdheid en riffelkruisgelaagdheid.Die lae is moontlik as vyf siklusse tydens 'n marinctransgressie afgeset. Die onderste gedeelte van
elke siklus, wat uit afwisselende grof- en middelkorrelrige lae bestaan, is tydens transgressie in 'n
omgewing wat moontlik tussen 'n strand en vlak marien (waterdiepte minder as 10 m) gewissel het, afgeset. Die boonste gedeelte van die siklus wat uit homogene massiewe sandsteen bestaan,
verteenwoordig moontlik die afsetting van strandwalle tydens stabiele intervalle. Die brongebiede het grootliks uit die metamorfe gesteentes van die Vloerkompleks bestaan, hoewel die Transvaalsupergroep in Griekwaland-Wes later ook materiaal gelewer het. Hoofsaaklik op gronde van die omgewing van afsetting word die sandsteenopeenvolging met die Tafelberggroep gekorreleer.