Ebook: Башҡорт халыҡ ижады. Әкиәттәр. Риүәйәттәр, хәтирәләр. Сәсәндәр ижады

Өфө: Башҡортостан китап нәшриәте. — 1982 йыл. — 424 бит.Сулейманов А.М. (ред.). Башкирское народное творчество. Сказки, предания, устные рассказы, творчество сэсэнов (на башкирском языке).Был китапта совет осоронда ижад ителгән әкиәттәр, риүәйәттәр, хәтирәләр
һәм сәсәндәр ижады бирелде. Әкиәттәр һәм сәсәндәр ижады — Нур Зарипов, риүәйәт һәм хәтирәләр Әхмәт Соләймәнов тарафынан төҙөлдө, инеш мәҡәлә менән аңлатмалар ҙа шул нисбәттә яҙылды.
Китап совет фольклористикаһында ҡабул ителгән фәнни принциптарға нигеҙләнеп төҙөлдө; әҫәрҙәр баҫма сығанаҡтарҙан, фольклор фондтарынан һайлап алынды. Уларҙың күпселеге тәү тапҡыр баҫыла.
Текстар жанрҙары буйынса тематик төркөмдәргә айырылды, һәр төркөм эсендә хронологик тәртипте һаҡларға тырышылды. Сәсәндәр ижадын биреүҙә лә ошо принцип күҙ уңында тотолдо.
Аңлатмалар бүлегендә әҫәрҙең паспорты (кемдән, ҡасан, кем яҙып алыуы), ҡулъяҙманың ҡайҙа һакланыуы, баҫма сығанағы, варианттары күрһәтелде: айырым мотивтарға, тарихи шәхестәргә, географик атамаларға, текста номеры һуғылып, иҫкәрмәләр яһалды. Әкиәттәрҙең Аарне-Томпсон каталогы буйынса [ул, ҡыҫҡартып, АТ хәрефтәре менән генә бирелде) сюжет типтары билдәләнде.
Сәсәндәргә ҡарата библиографик мәғлүмәттәр ҙә ошонда урынлаштырылды.
Башҡа телдән ингән һүҙҙәр текста йондоҙ менән тамғаланып, китап ахырында алфавит тәртибендә һүҙлек бирелде.