Ebook: Җыр бәһасе

Хикәя. Идел 5нче сан, 2014 ел. Казан каласында даннары еракларга таралган мәшһүр шәхесләр бик күп. Чокыр-чакырлы тротуарлардан җим чүпләп яшәүче күгәрченнәрдән дә күбрәк алар. Язучылар, җырчылар, композиторлар, рәссамнар, актерлар, музыкантлар – болар саны буенча безнең Татарстан планетада тоткан беренче урынын беркайчан беркемгә бирмәс, ахрысы. Ә инде мәдәният тирәсендә чуалып йөреп тамак туйдыручы елгырлар, иманым камил, сәнгать әһелләре белән күгәрченнәрне бергә кушып чутлаган сурәттә дә, барыбер күбрәк булыр.