Ebook: Retoriko kun aparta konsidero al esperantlingva parolarto

Rotterdam. 1971. — 346 p.
Tria eldono korektita
Unua eldono: Parizo 1950
Dua eldono: Rotterdam, 1958
Verkita originale en la Internacia Lingvo Esperanto

D-ro Ivo Lapenna antaŭe Profesoro en la Universitato de Zagreb Nekatedra Profesoro (Reader) en
"The London School of Economics and Political Science" de 1a Universitato en Londono
La unua kaj dua eldonoj de Retoriko jam delonge elĉerpiĝis. Intertempe, kiel ĝia suplemento, aperis en 1966 la libro Elektitaj Paroladoj kaj Prelegoj.
La du verkoj formas unu tuton: la unua rilatas al la teorio de la parolarto, dum la dua entenas elektitajn tekstojn de paroladoj kaj prelegoj eldiritaj originale en la Internacia Lingvo. Ambaŭ celis ne nur helpi al evoluigo de la Esperantlingva parolarto, sed ankaŭ kontribui al la pli bona kompreno de la aktuala pozicio kaj perspektivoj de Esperanto. Mi fidas, ke la celo ne estis mistrafita, kaj tio kuraĝigas min publikigi la trian eldonon.
La nuna eldono estas, fakte, fotoreprodukto de la reverkita kaj kompletigita dua eldono. Nur en unu-du lokoj la verko estas ĝisdatigita. La korektantoj klopodis elimini ĉiujn preserarojn kaj espereble sukcesis.
Ni havas la kompreneblan esperon, ke Retoriko estos same bone akceptita de la novaj legantoj, kiel ĝi estis de la antaŭaj, ke ĝia enhavo inspiru kaj stimulu al pli konvinka kaj sindona agado por Esperanto.