Ebook: Erbein

Shanghai: Mehdi, 2009. — 50 b."Erbein" ("Chéhl hedis" depmu atilidu) Elishir Newaining ijadiy mirasliri ichidiki exlaqiy témigha ait eser. Newai bu eserni Ebdurehman Jamining "Erbein" namliq esiride tallan'ghan hedisler asasida ishlep chiqqan. Bu eserge tallan'ghan qiriq hedis kishilik hayatta nahayiti zörür bolghan edeb-exlaq mizanliri we hékmetlik sözlerdin ibaret. Bu sözler "Sehihul-Buxari" we "Sehihul-Muslim" qatarliq hedis kitabliridin élin'ghan bolup, bular eng ishenchlik we eng mötiwer hedisler dep qaralghan.
Newai bu qiriq hedisni erebchidin türkiy tiligha nezmiy shekilde terjime qilghan we uning muqeddime, xatimlirini yézip, ayrim bir eser halitige keltürgen. Newai bu eserni wujudqa chiqirish üchün hijriye 886 (miladiye 1481-1482) yili ustaz Ebdurehman Jamidin dua we ijazet alghandin kéyin, bir-ikki kün ichide uni tamamlighanliqini éytqan. Newaining bu terjime we sherhliridin uning xelqchilliq, tereqqiyperwerlik idiyisini ochuq körüw alghili bolidu. Gumanistik xaraktér Newaining bashqa eserliridikige oxshashla "Erbein" dimu alahide julalinip turidu. Shunga Elishir Newaining bir pütün idiye sistémisini ögen'gende we tetqiq qilghanda "Erbein" mu muhim ehmiyetke ige.