Ebook: Сиуңну. Хан кітабы. (Көне қытай жазбаларынан)

— Алматы, "Санат", 1998.— 288 бет. ISBN 5-7090-0418-9Төл тарихымызды танып-білуде халқымыздың өткеніне қатысты әр деректі көне жазба мұраларды түпнұсқасынан оқып-білудің маңызы ерекше. Осы мақсатта қытайдың байырғы әулеттік шежірелерінің негізінде жазылған "Хан кітабындағы" халқымыздың халықтық негізін құрауға қатысқан ежелгі көне тайпалар тарихынын, белгілі бір кезеңінен мол дерек беретін сиуңну халқының тарихына қатысты материалдың түпнұсқасы тұңғыш рет ана тілімізге аударылып, оқырманға ұсынылып отыр. Түпнұсқа деректерін бір-бірімен салыстыра аудару нәтижесінде аудармашы көне халықтар тарихын тереңірек танып-білуге көмегі тиер оқушыға бұрын таныс емес кейбір жаңа деректерді, сондай-ақ бұрын бізде еш жерде жарияланбаған "Хан кітабын" жазған тарихшылардың өздері баяндап отырған тарихи оқиғаларды қорытып, оған деген өз көзқарастарын танытатын ой түйіндеулерін де толық қамтыған. Аударманың төл тарихымызды жете танып, тарихи сананын, дұрыс қалыптасуына қосар үлесі зор. Бұл еңбектің өзіндік бір ерекшелігі — түпнұсқа болып саналатын дерек көздерінің қаз-қалпында ксерокөшірмеге түсіріліп, оқырмандарға қоса ұсынылып отырғандығы деп білеміз. Аударманың тілі жатық, тартымды оқылады.