Ebook: Yaşamaya

Kıpçak: Gagauziya, 2010. — 53 s.Görgi Yalancı – eni gagauz poetlerindän birisi, angısı terbiyedildi 90-ncı yıllarda, açan Sovet birlii olmadı, ama gagauz dili, kulturası başladı kalkınmaa, laf ’’Gagauzluk’’ başladı taa dik ötmää. Ne severim bu evlatta, ani gençlerdä küçüktän taa duygu hem sevda ana dilinä peydalandı. Ne severim Görgidä, ani bu duygu onda süünmedi hem süünmeyecek ta. Yalancının poeziyası – duruk, taazä, esaplı. Ana dilindä can duygularını açıklamaa ona deyni – kısmet, Allahtan vergi. Görgi – patriot, romantik, sevdalı Ana Tarafına, duygularına, hepsinä, kim onu dolaylêêr. Bunnar belli olêr onun sıralarında. Avtor hodul, ani onun var baalantısı gagauz topraannan. Herbir yaprak fışırdaması, herbir yaamur damnası, herbir kuş sesi ona deyni ömür, masal. Adet, etnik bilimi, kultura – bunnara Yalancı üüreder kendi şiirlerinnän, bitkisiz pozitivinnan, pragmatizmasınnan.