Ebook: Manual de Iniciaçom à Língua Galega: Sociolingüística, Morfossintaxe, Ortografia e Léxico

Ferrol, Fundaçom Artábria. - 1998, 2006. - 133 p.Qual é, entom, o fim deste Manual de Iniciaçom à Língua Galega?
Quando nos decidimos a elaborá-lo, moveu-nos o intuito de reunir, de umha parte, alguns dos que julgamos mais interessantes contributos da sociolingüística aplicada ao caso galego. Com efeito, o primeiro passo para tomarmos consciência das necessidades do galego é conhecermos o fundamental da teoria social das línguas. De outra parte, apresentamos, de maneira resumida, os aspectos mais importantes da gramática galego-portuguesa. Tentamos assim evitar à pessoa interessada no aprendizado básico da língua ter que recorrer às grossas gramáticas e aos áridos prontuários.
O Manual está pensado para pessoas que partem já de umha consciência favorável à língua, umha motivaçom que até hoje nom achava no mercado editorial o instrumento para se aproximar do conhecimento do galego de maneira autodidáctica sem ter que se converter em especialista.
Corremos o risco de deixar de fora aspectos de importáncia , e até de incluir outros menos salientáveis. Também podemos, por vezes, cair na superficialidade de umha descriçom nom exaustiva dos diferentes temas. Mas assumimos estes e outros possíveis defeitos pola procura dos fins acima citados. Em todo o caso, ficaremos contentes se a detecçom dessas ou outras eivas mover a novas iniciativas mais ambiciosas e efectivas.
Isso suporia um passo mais da comunidade galegófona na via do autoconhecinento e autoconstruçom como comunidade nacional, fim último de todos e todas.Ferrol, Terra de Trasancos, Abril de 1998.