Ebook: Синтаксис

— Ашгабат: Туркменучпедгиз, 1941. - 160 б.Сөз башыБу китап түркмен орта мектеплеринде әне дилини окатмак үчин дүзүлен ве Магарыф халк ңомиссарлыгы тарапындан тассык әдилен програма догрыланып язылды. Шоның үчин китап өлчег тайындан програм боюнча нахувдан гечилҗек затларың хеммесини диен ялы (стилистикадан бейлекилерини) өз ичине аляр.
Биз бу китабы язанымызда, эсасан окувчыны гөз өңинде тут-дык. Шоңа гөрә-де хемме грамматики кесгитлемелери мүмкин болдугыча сада дил билен бермәге, оларың (кесгитлемелериң) хас конкрет болмакларына айратын үнс бердик.
Айыклайҗы — сөзлери топарлара бөлмекде бизиң 1939-нҗы йылда чыкан нахувда тутан принципимиз догры болсада, әмели тайдан шолары окувчылара өвретмекде көп кынчылыклар бол-янлыгы хакында ерлерден бизе мугаллым ёлдашлар яздылар ве окувчыларың айыклайҗы сөзлери оңат езлешдирип билмеклери үчин оларың хер бирине өз манысына гөрә айратын ат дакылса говы болҗак диен маслахаты — бердилер.
Биз бу меселе догрысында өзара көп маслахатлашмак нетиҗесинде практиклериң (мугаллымларың) шол берйән геңешлерини макул гөрдик ве айыклайҗы сөзлери өз маныларына гөрә топарлара бөлүп, долдургыч, айыргыч ялы адалгалары тә-зеден ене уландык.
Бу китап орта мектеплер үчин боланы себәпли, мунда түрк-мен дилиниң нахувы долы суратда берилендир дийип дүшүнмели дәл. Биз бу китапда нахувың еке эмели тайдан эхмиети болан ерлерини алярыс.
Дынгы белгилеринден гечиленлери гайталамак ве җемлемек үчин китабың соңында йөрите бир бөлүм берилди.
Грамматики дүзгүнлере дегишли гөнүкме материаллары хер бир параграфың ыз янындан берилди. Эмели гөнүкмелер үчин чепер эдебият эсерлеринден, газетлерден ве журналлардан алан материалларымызы хер гөнүкмеде өңде гоюлан максада хас дог-ры гетирмек үчин, герекли дийип тапан ерлеримизде олары асыл нусгаларында үйтгедибрәк алан ерлеримиз хем болды.
Авторлар,
Ашгабат 20-нҗи нюнь