Ebook: Ўзбекистоннинг тоғ-тоғ олди районларида томчилатиб суғоришни қўллаб узумни парваришлаш бўйича тавсиялар

Тошкент - 2002, 11 бет.Р.Р.Шредер номли институтнинг тадқиқотлари ва амалиёт тажрибаларидан маълумки текислик ерлардан тоғолди-тоғли минтақаларга (денгиз сатҳидан 1300-1400 метргача) кўтарилганда узумнинг сифати анча яхшиланади. Қияликларда етиштирилган узум мевалари таркибида шакар миқдори кўплиги билан ажралиб туради, ҳосил бир мунча эрта етилиб пишади, шингил боши ва меваларни ташқи кўриниши яхшиланади ва сифати юқори бўлган кишмишни чиқиши кўпаяди.
Ноқулай қияликларни ўзлаштириш бараварига бир қанча бўш ётган ноқулай ерларни қишлоқ хўжалик оборотига киритиш: узум экинини экиб интенсив фойдаланиш, қияликларни эрозиядан сақлаш масалаларини ҳал қилишни имкониятини яратади. Шунинг билан бирга ижтимоий муаммо - тоғли минтақаларда яшовчи халқларни иш билан таъминлаш масаласи ҳал қилинади.
Р.Р.Шредер номидаги институтнинг Самарқанд филиали В.Д.Журин номли САНИИРИ билан ҳамкорликда Жиззах вилояти Зомин районида Дарғом чўлининг эрозияланган тупроқларида ҳамда Қўшрабод минтақаси адир ерларидаги оддий бўз тупроқларда суғоришни янги усули томчилатиб суғоришни Ўзбекистон шароитида узумзорларда қўллаш, истиқболли ва юқори самаралигини мужассамланган тадқиқотлар кўрсатди.