Ebook: Manual Gramaticałe Xenerałe de ła Łéngua Vèneta e łe só varianti

Publisher: BASAN / BASSANO DEL GRAPPA
Date: 2005
Pages: 38I diałeti vèneti i fa tuti parte del stéso sistema lenguìstico, el vèneto, parché i condivide łe stése struture lenguìstiche de baxe, quełe vènete apunto: donca i xe tuti varianti de ła łéngua vèneta.
’Sto manuàl gramaticałe qua no ’l xe mìa stà fato par spiegar na variante soła (soło el veronéxe, soło el venesian, soło el feltrin-belunéxe, soło el trevixan o soło el vèneto zsentrałe cioè vixentin-padovan-połexan) ma par dar na descrizsion del vèneto. Dopo, sóto łe spiegazsion, vien mése anca de łe note co łe caratarìstiche speciałi de łe varianti pi grose. Xe ciaro che no l’è mìa un lavóro parfeto fin ’ntei detaji pi cei e de seguro se podarà zxontarghe calcosa, ma quel che xe inportante l’è che el scopo del MGX de ła Łéngua Vèneta el xe quel de dar na vixion de tuta £a £éngua e parlar de łe so règołe fondamentałi metendo in ciaro łe struture comuni che gh’è sóto łe diversità de pronunzsia: qûełe règołe che łe ne fa dir che el venesian el xe vèneto come el belumat, anca se fra de łuri i è ben difarenti; qûełe règołe che fra noaltri Vèneti podémo capirse anca se vegnémo da parte diverse e gavémo parlade un fià diverse mentre i foresti (cioè qûii che i vien da fora, déto senzsa cativeria) i fa fadiga capirne. Da ùltimo, in fondo al libro xe stà riservà un capìtolo particołar par un studio, curto, sul dialetto veneto dell’italiano che ’l vien parlà dai toxati e ’nte łe zsità, in modo da far védar łe diversità pi grose che ’sto qua el ga rispeto a ła łéngua vèneta.